Ժամացույցի պատմությունը․ ո՞րն է եղել առաջին ժամացույցը և ինչպես է այն զարգացել

Շվեյցարական ժամացույցների վերելքը

18-րդ դարից Շվեյցարիան աստիճանաբար սկսեց դառնալ ժամագործության համաշխարհային կենտրոնը։ Շվեյցարացի ժամագործները սկսեցին ներկայացնել նորարարություններ, օրինակ՝ ավտոմատ մեխանիզմներով ժամացույցներ, որոնք չէին պահանջում ձեռքով լարման անհրաժեշտություն կամ ջրակայուն մոդելներ, որոնք հարմար էին թե՛ առօրյայում կրելու, թե՛ ակտիվ հանգստի, և թե՛ սպորտի սիրահարների համար։

Այս ամենի շնորհիվ «շվեյցարական ժամացույց» արտահայտությունն արդեն դարեր շարունակ ասոցացվում է բարձր որակի և վստահության հետ։

Կվարցային և թվային ժամացույցներ

1970-ականներին ժամացույցների աշխարհում տեղի ունեցավ իսկական հեղափոխություն։ Ստեղծվեց կվարցային տեխնոլոգիան, որը թույլ էր տալիս ժամացույցը աշխատեցնել ոչ թե մեխանիկական մեխանիզմներով, այլ՝ էլեկտրոնային համակարգով։ Սա ավելի էժան, բայց միևնույն ժամանակ ճիշտ լուծում էր։ Ճապոնական արտադրողներից հատկապես Seiko-ն առաջատար դարձավ կվարցային ժամացույցների արտադրման ոլորտում։

Նույն տարիներին հայտնվեցին նաև թվային ժամացույցները, որոնք արդեն չունեին սլաքներ․ ժամը երևում էր էկրանին՝ LED կամ LCD ձևաչափով։ Այս նորաոճ և ժամանակակից տեսքը գրավեց մարդկանց՝ հատկապես երիտասարդների ուշադրությունը։

21-րդ դար՝ խելացի ժամացույցներ

Ժամացույցների պատմության մեջ հերթական շրջադարձային փուլը եկավ 21-րդ դարում՝ սմարթ ժամացույցների ի հայտ գալով։ Այս նոր տեխնոլոգիական քայլը փոխեց մարդկանց պատկերացումը ժամացույցի դերի մասին։

Այսօր սմարթ ժամացույցը կարող է՝

●      Ցուցադրել զանգեր, հաղորդագրություններ և այլ ծանուցումներ

●      Հետևել սրտի զարկերին ու արյան ճնշմանը

●      Վերլուծել քնի որակը

●      Օգնել մարզումների ընթացքում՝ քայլեր և կալորիաներ հաշվարկելով, նույնիսկ մարզումների պլան առաջարկելով

●      GPS-ի շնորհիվ ցույց տալ գտնվելու վայրը

Եթե ցանկանում եք ակտիվ և առողջ ապրելակերպ վարել, ապա խելացի ժամացույցը կդառնա Ձեր վստահելի օգնականը։

Յուրաքանչյուր ժամանակաշրջանում ժամացույցն ունեցել է իր դերը։

Արևային ժամացույցներից մինչև սմարթ ժամացույցներ․ այս հսկայական էվոլյուցիան ցույց է տալիս, թե ինչպես է այն փոխել մեր կյանքը՝ ավելի հեշտացնելով այն։ Եթե սկզբում ժամացույցներն ընդամենը գործիք էին, ապա այսօր դրանք դարձել են մեր կյանքի անբաժանելի մասը՝ օգնելով մեզ հետևել մեր առողջությանը, ֆիզիկապես ակտիվ կյանք վարել կամ ուղղակի կրել այն որպես գեղեցիկ աքսեսուար։

Ժամացույցների լայն տեսականին ներկայացված է TI’ME խանութ-սրահներում և կայքում, որը կարող եք ուսումնասիրել այստեղ։