Ինչպե՞ս ընտրել ճիշտ ժամացույցը ըստ քո ոճի և առօրյայի

Ժամացույցն արդեն վաղուց միայն ժամանակը ցույց տվող իր չէ։ Այն դարձել է ինքնարտահայտման միջոց, ոճային և գեղեցիկ աքսեսուար, որը հետաքրքիր ձևով համադրվում է հագուստի հետ։Իսկ ինչպե՞ս ընտրել համապատասխան ժամացույց՝ այսօր առկա լայն տեսականու մեջ։ Այս բլոգում միասին կհասկանանք, թե որ ոճի ժամացույցն է համապատասխանում հենց Ձեզ՝ ըստ Ձեր ապրելակերպի և առօրյայի։

Դասական ժամացույցներ

Եթե Ձեր առօրյան պահանջում է խիստ և կոկիկ կերպար, ունեք տարբեր գործնական հանդիպումներ, աշխատում եք գրասենյակում կամ պարզապես նախընտրում եք դասական ոճը, ապա դասական ժամացույցները ևս Ձեր ոճի անբաժան մասը կկազմեն։ Այս ժամացույցներն ունեն պարզ թվատախտակ, բարակ, կաշվե կամ մետաղական գոտի։Դասական տարբերակներից կարող եք ընտրել Citizen բրենդի կաշվե գոտիով և արծաթագույն թվատախտակով ժամացույցը։ Բարձրորակ կաշվե գոտին ապահովում է հարմարավետություն, իսկ արծաթագույն թվատախտակը ոճային տեսք է տալիս ժամացույցին։Եթե փնտրում եք դասական ժամացույց, որը կլինի թե՛ ֆունկցիոնալ, և թե՛ ոճային, ապա շվեյցարական Claude Bernard-ը կդառնա Ձեր վստահելի ընտրությունը։ Մետաղական շղթայով տարբերակները համապատասխան կլինեն դասական ոճի հետ։

Որտե՞ղ կրել
Աշխատանքային և գործնական հանդիպումների ժամանակ, գրասենյակում, կամ պարզապես առօրյայում, եթե դասական ոճի սիրահար եք։

Ինչի՞ հետ համադրել
Կոստյումի, վերնաշապիկի կամ լաքապատ կոշիկների հետ։

Էլեգանտ ժամացույցներ

Եթե նուրբ և մինիմալիստական ոճի սիրահար եք, ապա էլեգանտ ժամացույցները կլրացնեն Ձեր տեսքը։ Այս ժամացույցները գեղեցիկ լրացում կլինեն թե՛ դասական, և թե՛ ժամանակակից ոճի համար։Էլեգանտ ժամացույցներից կարող եք ընտրել Emporio Armani ժամացույցները։ Կանացի շարքը համեմված է շքեղությամբ և պրակտիկությամբ, իսկ տղամարդկանցը՝ դիմացկունությամբ։

Եթե դուք հավանում եք ժամանակակից ոճը, ապա Cluse ժամացույցները ևս հարմար տարբերակ են, քանի որ ունեն պարզ դիզայն և բարձր որակ և ամեն մի մանրուք հաշվի է առնված, որ այն դառնա Ձեր տեսքի անբաժան մասը։

Տեսականին լայն է՝ ներառելով արծաթագույն, ոսկեգույն և վարդագույն, կաշվե գոտիներով ժամացույցներ։ Եթե նախընտրում եք տարբերվող ոճ, ապա կարող եք ընտրել կանաչ, կապույտ կամ սև թվատախտակով մոդելները։

Որտե՞ղ կրել
Երեկոյան հանդիպումների, պաշտոնական միջոցառումների, դասական ընթրիքների ժամանակ։

Ինչի՞ հետ համադրել
Մետաքսե կամ ատլասե հագուստների հետ։

Ամենօրյա ժամացույցներ

Ամենօրյա ժամացույցները բավականին հարմարավետ են առօրյա կրման համար։ Այս ժամացույցները պատրաստված են հստակ ընդգծված գծերով՝ ցույց տալով թվերի ու ժամային նշումների պարզությունը։

Timex ժամացույցներն ունեն մաքուր և պարզ թվաչափ, ամուր կառուցվածք, կաշվե կամ մետաղական ժապավեն և հարմարավետ են ամենօրյա կրման համար։

Tommy Hilfiger-ը նորաձևության աշխարհի առաջատար ապրանքանիշերից է, որը հայտնի է որպես տիպիկ ամերիկյան ոճ ներկայացնող բրենդ։ Ոճային են ու թրենդային։ Շնորհիվ չժանգոտվող պողպատից պատրաստված պատյանի և կոկորդիլոսի կաշվից պատրաստված գոտու՝ այն կկրեք երկար ժամանակ։

Որտե՞ղ կրել
Զբոսնելիս, աշխատանքի վայրում և առհասարակ ամենօրյա կյանքում։

Ինչի՞ հետ համադրել
Բաճկոնների, ջինսե տաբատների և սպորտային կոշիկների հետ։

Այսպիսով՝ որպեսզի ժամացույցի ընտրությունը ճիշտ լինի, անհրաժեշտ է հասկանալ Ձեր ոճն ու ապրելակերպը և ըստ դրա ընտրել համապատասխան տարբերակը։ Այս բլոգը վստահաբար կօգնի Ձեզ կատարել ճիշտ ընտրություն։ Ճիշտ ընտրված ժամացույցը ոչ միայն գեղեցիկ աքսեսուար կլինի, այլ կլրացնի Ձեր ոճը՝ դարձնելով այն էլ ավելի յուրօրինակ և տարբերվող։

Ներկայացված ժամացույցների լայն տեսականին և ավելին ներկայացված է TI’ME խանութ-սրահներում և կայքում, որը կարող եք ուսումնասիրել այստեղ։